Në urgjencën e spitalit të Durrësit ka ndodhur një shkëndijë elektrike, e cila ka shkaktuar tym në ambientet e urgjencës, por fatmirësisht pa pasoja. Incidenti ka ndodhur gjatë mesditës së sotme.
Mësohet se nuk ka asnjë të lënduar dhe 7 pacientët që po merrnin shërbim në Pavionin e Urgjencës janë transferuar në ambiente të tjera.
Lajmin e ka shpërndarë në rrjetet sociale edhe deputetja e Partisë Socialiste Klodiana Spahiu e cila shkruan se situata aktualisht është e qetë dhe është kryer ventilimi i ambienteve të spitalit, për të vijuar punën normalisht.