Alexandra Zarini, mbesa 35-vjeçare e Aldo Gucci ka nxjerrë detaje të reja nga abuzimi seksual i sa nga njerku i saj.
Alexandra ka nisur një proces gjyqësor ndaj njerkut të saj, Joseph Ruffalo, i cili akuzohet se ka abuzuar seksualisht me të për 16 vite me radhë.
Përmes një video ajo dëshmon se Ruffalo hynte rregullisht në shtratin e saj dhe madje e ëma e saj dhe gjyshja ishin në dijeni për këtë gjë, por nuk e ndalonin atë dhe madje i kyçnin gojën vajzës.
Për shkak të kësaj ngjarje ajo rrëfen se për vite me radhë konsumonte kokainë pasi dëshironte që të mos kujtonte ngjarjen e rëndë.
“Nëse mendoni se kjo nuk ndodh në Beverly Hills, atëherë duhet ta dini që abuzuesi im jeton ende në Kaliforni, kalon kohë në klubin Bel-Air dhe është vullnetar në spitalet e fëmijëve tuaj”, tha Zarini.
“Kjo nuk është diçka që u ndodh vetëm familjeve të tjera, lagjeve të tjera ose vendeve të tjera. Ndodh kudo”, përfundoi ajo.
Në një deklaratë, nëna e saj, Patricia Gucci, tha se ajo ishte thellësisht e penduar për dhimbjen që Joseph Ruffalo i shkaktoi Alexandrës.
Procesi gjyqësor hap një kapitull të ri polemikash në familjen e famshme Gucci, e cila hoqi dorë nga biznesi në 1993. Marka Gucci aktualisht është në pronësi të konglomeratit luksoz francez Kering, i cili raportoi më shumë se 18 miliardë dollarë të ardhura në 2019. Rreth 11 milionë dollarë i atribuohet Gucci./re.gu/Fjala.al
