Ka ndërruar jetë nga koronavirusi historian i njohur, LLambo Filo. Ai ishte shtruar prej ditësh në spital, por fatkeqësisht nuk ka arritur të fitojë betejën me Covid-19.
Filo ishte pedagog në Universitetin e Tiranës, ndërsa gjithashtu ishte autor i shumë librave historikë dhe teksteve shkollore për arsimin para-universitar.
Në lidhje me ndarjen nga jeta të historianit ka reaguar dhe profesoresha e historisë, Valentina Duka.
“Me keqardhje të thellë mësuam lajmin për ndarjen nga jeta të Prof. LLambro Filos, një nga pedagogët veterane, të Departamentit të Historisë të Universitetit të Tiranës. Ne ish-studentët dhe koleget e tij do ta kujtojmë gjithnjë me respekt profesorin e ndjere për kontributin shembullor jo vetëm si mesimdhënës dhe studiues i historisë, por edhe për komunikimin të ngrohtë dhe njerëzor me studentët dhe kolegët.
Me këtë rast ne u shprehim ngushëllime familjarëve dhe të afërmve të tij. Lamtumire profesori ynë i paharruar! Pushofshi në Parajsë!”, shkruan profesoresha Duka./re.gu/Fjala.al
