Një 11-vjeçare nga Tirana ka denoncuar burrin e motrës për përdhunim. E mitura e denoncoi menjëherë kunatin e saj pasi ai u largua në Greqi. Ajo i ka treguar uniformave blu se kunati i saj ka abuzuar seksualisht me të menjëherë pasi motra e saj u dërgua në maternitet për të lindur.
Shtetasi i identifikuar me inicialet K.Z është shpallur në kërkim menjëherë pas marrjes së dëshmisë dhe administrimit të provave. Burimet bëjnë me dije se 11-vjeçarja shkonte shpesh tek e motra pasi e ëma ishte e divorcuar.
Sipas një burimi zyrtar, janë administruar të dhënat në maternitet për të konfirmuar dëshminë e fëmijës, ndërkohë që janë marrë edhe dëshmi të së motrës.
Gruaja tregon se e kishte vënë re bashkëshortin t’i kërkonte llogari 11-vjeçares për punët e shtëpisë, dhe që gjithashtu ishte vënë në dijeni nga e ëma për ngjarjen.
“Mami më ka kapur, burri i motrës ditën kur motra lindi. Nuk dua të jetoj më atje”, është shprehur fëmija, të cilës i është vënë menjëherë në dispozicion një psikologe edhe gjatë marrjes së dëshmisë./re.gu/Fjala.al
