Gjatë 24 orëve të fundit në Kosovë janë shënuar tre vdekje nga Covid-19 duke e çuar numrin e përgjithshëm të viktimave në vend në 607.
Sipas IKSHPK-së, gjatë 24 orëve të fundit janë infektuar edhe 43 persona dhe numri i përgjithshëm i të infektuarve, që nga mesi i muajit mars, ka arritur në 14.882.
Të enjten janë konfirmuar si të shëruar nga sëmundja edhe 239 pacientë. Në total numri i të shëruarve ka shkuar në 12.188. Raste aktive janë 2.087.
Në raportin ditor të SHSKUK-së është thënë se 5 pacientë janë në respiratorë, 11 janë duke u trajtuar me makinat e frymëmarrjes, CPAP, derisa 150 të tjerë janë në oksigjenoterapi./Re.Gu/Fjala.al
