Të varfrit kanë gjithmonë mundësi të pakta për tu arsimuar. Ish-ministri i Arsimit Myqerem Tafaj jep alarmin për atë që quhet diskriminim i klasës më të varfër të shoqërisë, në emisionin HARD TALK NGA ROLAND QAFOKU.
-Pandemia çfarë bëri? Thelloi diskriminimin e nxënësve apo studentëve. Kjo është me të dhëna. Arsimi duhet të jetë gjithëpërfshirës. Nëse arsimi nuk i ofron akses çdo nxënësi dhe studenti, nuk e ka realizuar funksionin e tij bazë. Nga një rrugë më efikase e zbutjes së pabarazisë, bëhet diskriminuese. Çfarë ndodhi? Pikërisht në situatën e pandemisë ky raport i Bankës Botërore thotë që u diskriminuan nxënësit e varfër dhe nga ajo diferencë që ishte me 1.5 vjet në formim, shkoi pabarazia në 2 vjet. /Fjala.al/Ke.Ba
