Myqerem Tafaj vlerëson shumë iniciativën e liderit të opozitës Lulzim Basha që ta kthejë në kauzë vlerësimin për shtresën e mesme. Në emisionin HARD TALK NGA ROLAND QAFOKU, Tafaj tha se është një çështje shumë e rëndësishme e cila ka funksionuar në Evropë dhe kryesisht në Gjermani.
Basha artikuloi së fundmi një tezë interesante. Teza e shtresës së mesme. Vendi më i zhvilluar i Evropës që është Gjermania nuk thotë që e kam suksesin te biznesi i madh por te biznesi i mesëm. Kush duhet të jetë në shtresën e mesme? Duhet të jenë fermerët, duhet të jenë mësuesit, nuk futen dot as mjekët, nuk hyjnë dot as infermierët, 90% e pedagogëve nuk janë, dhe ajo e dhënë që 20 mijë veta i përkasin shtresës së mesme, në 30 vjet demokraci të kesh një strukturë të tillë me një cipë kaq të hollë, një tip membrane të shtresës së mesme, sigurisht është jo e shëndetshme dhe nuk garanton dot një demokraci të shëndoshë./Fjala.al/Ke.Ba
