Ka përfunduar mbledhja e Kryeministrit Edi Rama me drejtuesit e qarqeve në selinë e Partisë Socialiste.
Kreu i qeverisë e zhvilloi këtë mbledhje në kuadër të zgjedhjeve të 25 prillit. Ajo startoi në orën 16:00 dhe ka përfunduar pas dy orësh. Kjo është mbledhja e tretë e Kryeministrit me drejtuesit e qarqeve teksa dy të parat u mbajtën më 9 shtator dhe 14 shtator.
Rama ka kërkuar qe të evidentojnë çdo drejtor qe nuk i ka ofruar shërbimin e tyre qytetarëve! Gjithashtu kryesocialisti u ka thënë drejtuesve të qarqeve që duhet bërë një rishikim i çdo drejtuesit të institucioneve publike që kanë dështuar në punën e tyre. Kryeministri tha se nuk do lejohet arroganca e këtyre personave ne krye te institucioneve.
Në takimin e dytë u evidentua qartë se drejtuesit politikë të PS në Veri po hasnin problematika, kurse ata në jug paraqiteshin më mirë. Rama është treguar i qartë me të gjithë në PS duke u shprehur se kërkon 74 mandate në zgjedhjet e 25 prillit.
Pa.Va/Fjala.al