Kryetari i bashkisë së qytetit Bill de Blasio njoftoi se do të vendosen gjoba nga tani e tutje për ata që nuk pranojnë të mbajnë një maskë, pasi rastet e Covid-19 rriten në disa lagje të Nju Jorkut.
Duke folur para gazetarëve, kryetari i bashkisë shpjegoi se përfaqësuesit e autoriteteve së pari do të ofrojnë maska falas për ata që nuk i vendosin aty ku është e detyrueshme dhe, nëse ata refuzojnë t’i përdorin ato, ata do të gjobiten, shuma e së cilës ende nuk është specifikuar.
De Blasio tha se, “për herë të parë në këto muaj përqindja e testeve për koronavirusin e ri që doli pozitiv dhe tejkaloi 3%, duke arritur 3.25%, duke vënë në dukje se kjo rritje vërehet në nëntë rrethe.
Të gjithë jemi të shqetësuar… Është diçka për të cilën të gjithë duhet të punojmë së bashku për ta trajtuar”, theksoi ai. /Shpëtim Zinxhiria/Fjala.al
