Ka nisur takimi i dytë i mjekëve me përfaqësues të qeverisë për të diskutuar sërish për 4 kërkesat e tyre themelore.
Ky takim po zhvillohet në ambientet e Kryeministrisë me një përfaqësi të mjekëve dhe infermierëve përbërë nga 10 persona, pjesëtarë të sindikatës së mjekëve si dhe përfaqësi nga qeveria.
Diskutimet e sotme do të kenë në thelb 4 kërkesat e bluzave të bardha ku 3 prej tyre varen drejtëpërdrejtë nga qeveria në aspektin ekonomik të tyre.
Kërkesat e mjekëve:
-Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm
-Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën edhe pas fatkeqësive të mundshme në këtë luftë.
-Rritje të vlerësueshme e trajtimit financiar të personelit shëndetësor.
-Personeli shëndetësor të çdo niveli t’i sigurohen të gjitha kushtet optimale në punë për parandalimin e infeksionit sipas të gjitha standardeve kombëtare dhe ndërkombëtare. /Ra.My.Fjala.al/