Si ka funksionuar drejtësia shqiptare deri në korrik 2016, moment kur nisi reforma e re e drejtësisë? Për Arben Rakipin, një nga juristët më të njohur në vend kjo drejtësi ka qenë e shthurur. I ftuar në emisionin HARD TALK NGA ROLAND QAFOKU, Rakipi deklaron:
-Sistemi i drejtësisë në Shqipëri i ka lejuar vetes nga pikëpamja profesionale të mbajë qëndrime të ndryshme për çështje të njëjta. Dhe për rrjedhojë është vetë-deklaruar si i shthurur. Kjo ka influencuar pastaj edhe në qëndrime të ndryshme të gjykatave të ndryshme.
-Edhe juve e konfirmoni se sistemi i drejtësisë ka qenë i shthurur?
-I shthurur në kuptimin e të mos qenit unik. I parcelizuar për mënyrën se si kanë dhënë vendime të ndryshme për çështje të njëjta. Shpesh herë nuk kanë respektuar me dashje qëndrime të drejta të kolegëve të tyre për çështje të caktuara. Fjala shthurje jo në kuptimin moral të saj. /Fjala.al/Ke.Ba
