Senatorja Kamala Harris dhe Zëvendës Presidenti Mike Pence morën pjesë në një debat në ‘USA Today’, të mërkurën, i drejtuar nga moderatorja Susan Page, por një mysafir i katërt, i paftuar iu bashkua për pak kohë grupit. Ndërsa debati ishte afër përfundimit, një mizë qëndroi në kokën e Pence dhe nuk lëvizi vendit për dy minuta.
Kandidatët për zëvendës presidentë ishin në një moment serioz kur miza qëndroi në flokët e bardhë të Pence. Vëmendja e shumicës së shikuesve më pas u kthye te miza. Menjëherë shikuesit në internet filluan me ‘memet’ në lidhje me mizën.
“Jo për faj të Pence, por ajo mizë po bëhet historia e mbrëmjes,” shkroi avokati, Harry Litman.
Autori dhe gazetari Taffy Brodesser-Akner shkroi në Twitter “fluturojnë bukur në një djalë me flokë të bardhë!”
Brenda pak minutash, Biden postoi në ‘Twitter’ një foto të vetën me një vrasëse mizash, ku krahas saj shkroi: “Ofroj 5 dollarë për të ndihmuar këtë fushatë të fluturojë”.
Ai gjithashtu ndryshoi ‘domenin’ e faqes së vet nga ‘iwillvote.com’ në ‘flywillvote.com’ dhe brenda disa minutave çdo gjë në lidhje me mizën u bë ‘virale’./Re.Gu/Fjala.al
