Kush do fitojë zgjedhjet e 25 prillit? Si Partia Socialiste dhe Partia Demokratike shprehin bindjen se do jenë ato fitues të zgjedhjeve të 10-ta parlamentare në vend. Por si do vijë kjo fitore kur situata është shumë e elektrizuar? Xhemal Qefalia është i bindur që kjo do bëhet vetëm me votë duke kujtuar një shprehje të ish-kryeministrit Sali Berisha kur ishte në opozitë. Në vitin 1998 pas kryengritjes së armatosur më 14 shtator Berisha tha: Po të doja unë e merrja pushtetin me vetëm 200 demokratë të Mamurrasit. Pikërisht këtë shprehje të Berishës Qefalia e solli gjatë emisionit HARD TALK NGA ROLAND QAFOKU si një gjë të vjetër dhe që sipas tij nuk mund të ndodhë kurrë.
-Për aq kohë sa opozita nuk është ballore, nuk është drejtpërdrejt, edhe mazhoranca e ka të vështirë.
-Po çfarë të bëjë më opozita? Edhe me bomba molotov…
-Po nuk bëhet me bomba molotov. Qytetarët tashmë e kanë vrarë atë frikën e 1997 që presin “me 40 nga Mamurrasi unë marr qeverinë”, ka ikur ajo kohë.
-Me 200 demokratë nga Mamurrasi.
-Po fiks, ju jeni i saktë. “Me 200 veta unë marr qeverinë”. Ka ikur ajo kohë./Fjala.al/Ke.Ba
