Gjatë 8 viteve te qeverisjes socialiste janë tre ministra të Brendshëm: Saimir Tahiri, Fatmir Xhafaj dhe Sandër Lleshaj. Por cilin nga këta vlerëson më shumë deputeti i PS-së Xhemal Qefalia që është edhe anëtar i Komisionit të Sigurisë? Gjatë emisionit HARD TALK NGA ROLAND QAFOKU Qefalia dha opinionin e tij për tre ministrat.
–Në tetë vite, janë ndërruar tre ministra të Brendshëm. Kë vlerësoni më shumë?
-Nuk mund t’i marrësh në mënyrë nominale për të përcaktuar se cili ka qenë më i suksesshëm. Sepse shikohen në kontekst të kohës në të cilën kanë drejtuar. Nëse marrim zotin Tahiri, për të cilin kam vlerësime maksimale për punën që ka bërë sepse mori një polici të shkërmoqur, një polici të politizuar. Vullneti politik i kësaj mazhorance në kohën që ka drejtuar zoti Tahiri ka qenë një gjë e jashtëzakonshme. Një përmbysje reale. Kishim punonjës policie që lëviznin me thes me patate dhe me kallashnikov me biçikletë. Nuk kishte një personalitet, një dinjitet, e cila të kishte edhe uniformën, edhe gradën, dhe detyrën. Tahiri është duke u përballur si askush tjetër me Drejtësinë. Si asnjë ministër tjetër dha dorëheqjen, u largua nga Parlamenti, dhe po ballafaqohet. Për aq kohë sa qëndroi Tahiri ka bërë një punë të mrekullueshme. Zoti Xhafaj punoi në një kohë tjetër , pati dhe ai goxha suksese përsa i përket skedimit të grupeve kriminale pavarësisht kohës relativisht të shkurtër. Për të ardhur të zoti Lleshaj i cili ka treguar një mënyrë disi më ndryshe. Nuk ka pasur ngarkesa politike, nuk ka qenë drejtpërdrejt përfaqësues politik pavarësisht se drejton një institucion politik, sepse vullneti i kryeministrit për ta vënë në krye të ministrisë, por po bën një punë të jashtëzakonshme për tu distancuar nga pjesa e Policisë, për ta lënë policinë të punojë.
