Një video e Presidentit amerikan Donald Trump është bërë virale në rrjetet sociale, ku kreu i SHBA kërcen gjatë një tubimi në Pensilvani.
Vetëm para pak ditësh Trump ja doli të mposhtë virusin famëkeq dhe tani presidenti amerikan i është rikthyer fushatës për zgjedhjet presidenciale. Gjatë fjalimit të tij Trump u shpreh se ai e ndjen dhimbjen e të gjithë atyre që luftojnë me koronavirusin, pasi e kia përjetuar vetë.
“Do ta bëj Amerikën të sigurt dhe të shkëlqyer përsëri”, theksoi ndër të tjera Presidenti. Teksa deklaroi me krenari që është imun ndaj virusit, Trump shtoi se ndihet si Supermen dhe ka dëshirë të puthë turmën. Menjëherë pas fjalimit të tij në tubim, u dëgjua një këngë klasike e grupit “Village People” e cila e bëri Presidentin të vallëzojë për disa momente.
Trump iu bashkua të pranishmëve duke bërë disa lëvizje vallëzimi në skenë, duke mbyllur tubimin e tij të dytë të fushatës zgjedhore.
Kreu i SHBA qëndroi katër ditë në spital duke luftuar me Covid-19. Mjekët raportuan se gjendja e tij gjatë kësaj periudhe ishte e mirë dhe simptomat qe ai shfaqi ishin të lehta.
Pa.Va/Fjala.al
