Akuza më e rëndë që Ahmet Prençi bëri gjatë emisionit HARD TALK NGA ROLAND QAFOKU është se policia aktuale përdoret nga politika. Sipas tij politika nuk lejon që policia të bëjë punën e saj siç duhet dhe për këtë, nuk ka rezultate.
-Ku ka gabuar policia?
-Policia nuk gabon, policia keqpërdoret. Keqpërdoret nga politika, pushteti. Për çdo ngjarje që ka ndodhur në vend, nuk kemi parë autoritetin e drejtësisë të dalë të japë shpjegimet për këto fenomene. Ne kemi dëgjuar shpjegimet e kryeministrit, të ministrit të Brendshëm, dhe drejtori i përgjithshëm nuk ka dalë publikisht.
-Ka dalë, ka dalë për shumë aksione edhe ndërkombëtare.
-S’kam gjë as me Ardi Veliun dhe me asnjë drejtues policie. Ardi Veliu bën gjithë emërimet në Polici. Pse del ministri dhe thotë “unë kam emëruar”. Ç’punë ka ministri i Brendshëm me emërimet? Ministri i Brendshëm të paralajmërojë arrestime?/Fjala.al/Ke.Ba
