Një grua e tërbuar hyri në një kishë me fëmijët e saj për të kërkuar ndalimin e ceremonisë martesore, pasi dhëndri ishte burri i saj.
Dhëndri, Abraham Muyunda i kishte thënë gruas së tij se do të shkonte në qytet për të mbaruar disa punë, por në të vërtetë ai do të merrte pjesë në dasmën e tij.
Ngjarja ka ndodhur në një kishë katolike në Chainda në kryeqytetin Zambian të Lusaka. Gruaja e tij me të cilën kishte fëmijë kishte dëgjuar për martesën e burrit të saj nga fqinjët dhe menjëherë kishte nxituar për të shkuar në kishë për të parandaluar procedurat.
https://www.instagram.com/p/CGXhkgTnOY2/
Ajo dëgjohet në video teksa i thotë priftit: Kjo martesë nuk duhet të vazhdojë. Ky burrë është bashkëshorti im. Unë nuk po kuptoj çfarë po ndodh këtu.
Gruaja e dëshpëruar shihet teksa mban në shpinë një fëmijë dhe i drejtohet priftit se burri është i saji dhe se ata nuk janë divorcuar apo grindur.
“Ky burrë këtu është burri im. Në nuk jemi divorcuar ose grindur.”, shprehet gruaja.
Mediat vendase shkruajnë se burri ka tre fëmijë me gruan e cila u shfaq në kishë duke thënë se ai ishte bashkëshorti i saj./ Burimi: Metro.uk/ Përshtati për Fjala.al Re.Gu
