Koronavirusi ditët e fundit duket se ka shënuar shifra të larta të infektuarish në të gjithë botën.
Edhe pse Franca bëri izolim të pjesshëm në disa qytete numri i të infektuarve u rrit në mënyrë të frikshme.
Mediat bëjnë me dije se Franca ka shënuar një tjetër rekord negativ të infektimeve me Covid-19.
Gjatë 24 orëve të fundit në Francë janë konfirmuar pozitiv 30 621 raste, ndërsa një ditë më parë ishin 22 591 raste.
Sipas Organizatës Botërore të Shëndetësisë masat shtrënguese janë absolutisht të nevojshme në mënyrë që të shpëtohen jetët e njerëzve. Pas Francës edhe vende të tjera po e konsiderojnë një izolim të dytë, më të lehtë se ai i pari.
Miliona personave në Europë u është thënë se duhet të jetojnë nën masa të reja shtrënguese në një moment kur kontinenti po përballet me një valë të dytë.
Ndërkohë nga e shtuna nuk do të lejohen festat dhe organizimet në ambiente të mbyllura në Mbretërinë e Bashkuar. Gjithashtu në Mbretërinë e Bashkuar janë shpallur disa zona rreziku për Covid./Bl.Ba/Fjala.al
