Policia në Paraguay ka sekuestruar një ngarkesë rekord kokaine. 2.3 tonë kokainë ishin fshehur në një ngarkesë me qymyr që kishte destinacion Izraelin.
Autoritetet vendase kanë bërë me dije se sasia e kokainës së sekuestruar arrin vlerën e rreth 500 milionë dollar. Kjo është ngarkesa më e madhe e kapur ndonjëherë në Amerikën e Jugut. Kokaina u gjet në një kontenier ne Terport, një port privat në qytetin e Villeta, pranë kryeqytetit Asunción.
Dy persona janë arrestuar, ndërsa bëhet me dije se njëri prej tyre është ish-drejtor i një kanali televiziv shtetëror.
Policia ka deklaruar se kokaina e paketuar mjeshtërisht u gjet në një nga gjashtë kontenierët, ndërsa pesë kontenierët e tjerë janë ende jashtë dhe do të kontrollohen. Policia nuk e përjashtoi mundësinë se dhe ato gjithashtu mund të jenë mbushur me drogë./Re.Gu/Fjala.al
