Sekretari organizativ i PS Arben Pëllumbi bën parashikimin për zgjedhjet e 25 prillit të vitit që vjen. Gjatë emisionit HARD TALK NGA ROLAND QAFOKU, ai deklaroi se PS pretendon të marrë 800 mijë vota.
-Si i parashikoni rezultatet e 25 prillit 2021?
-Unë nuk jam profet që të parashikoj si shkojnë gjërat por unë di një gjë. Jemi duke punuar dhe me një pjesë tjetër të elektoratit të cilët për një arsye apo për një tjetër nuk kanë marë pjesë në zgjedhjet e 2013 ose 2017. Ne tentojmë të mbajmë votat tona dhe të rritemi me rritjen natyrale që pëson lista e votuesve. Lista e votuesve mendohet që do rritet me 200 mijë veta kështu që synojmë që në këtë rritje ne të kapim pjesën që na takon. Objektivi jonë është që të kalojmë 800 mijë vota.
-Po si numër deputetësh keni 71?
-Ne kemi vënë objektiv që të mbajmë 74, por unë nuk për qëllim numrin e deputetëve por numrin e votave./Fjala.al/Ke.Ba
