Një raport i Kontrollit të Lartë të Shtetit ka arritur në konkluzionin se gjatë 6 viteve të parë të qeverisjes së Partisë Socialiste është shkaktuar 4 miliardë Euro dëm në arkën e shtetit. Kjo është akuza më e rëndë zyrtare e dalë nga një institucion shtetëror. Por i pyetur për këtë në emisionin HARD TALK NGA ROLAND QAFOKU Sekretari Organizativ Arben Pëllumbi hodhi akuza të forta për këtë institucion. Ai tha se KLSH është organ gjobëvënës.
-Kontrolli i Lartë i Shtetit thotë që në 6 vjet dëmi i konstatuar është 4 miliardë euro gjatë qeverisjes së PS.
-Kontrolli i Lartë i Shtetit në përgjithësi për vetë natyrën e tij të kontrollit në raportet që nxjerr, nxjerr edhe dëmet e prezumuara, pra dëme që mund të ndodhin “sikur të”. E dyta që është ekskluzive e kësaj periudhe, KLSH në vitet e fundit u kthye thjesht në një gjobëvënës dhe këtë e dinë që të gjithë. Zoti Leskaj nuk është se bëri në vitet e fundit drejtimin më të mirë të mundshëm edhe të tijin personal, por institucioni që ai drejtonte ishte një institucion që u kthye në gjobëvënës ndaj pushtetit lokal dhe ndaj institucioneve.
-Po si e vërtetoni këtë?
-E vërtetojnë ata që janë marrë më këtë punë./Fjala.al/Ke.Ba
