Spanja ka regjistruar më shumë se një milion të infektuar me Covid-19, duke u bërë kështu vendi i parë i Evropës Perëndimore që kalon këtë shifër.
Autoritetet vendase kanë raportuar të mërkurën se janë shënuar 16.973 raste të reja si dhe 156 viktima në 24 orë.
Që nga 31 janari kur u shënua rasti i parë me Covid-19 në Spanjë janë shënuar 1.005.295 të infektuar. Spanja është vendi i gjashtë në botë që kalon shifrën e një milion rasteve me Covid-19, pas SHBA-së, Indisë, Brazilit, Rusisë dhe Argjentinës.
Gjatë muajve të fundit në Evropë janë rritur ndjeshëm rastet me Covid-19 duke detyruar qeveritë të vendosin masa të reja për të parandaluar përhapjen e mëtejshme të virusit./RE.Gu/Fjala.al
