Efektivja e policisë Ina Nuka, e cila para dy viteve pësoi një incident në protestën e opozitës, ka zbuluar se jeta e saj vijon normalisht dhe tashmë nuk është më beqare.
Nuka shpjegon në një intervistë për Top Channel se periudha pas asaj ngjarjeje, ishte e vështitrë si për të edhe për familjen.
“Periudha pas ngjarjes e cila bëri bujë ishte e vështirë si për mua dhe për pjesëtarët e familjes sidomos për mamin pasi ajo edhe sot e kësaj dite më merr në telefon 20 herë në dite pyet “Si je? Ku je?” por u mbyll mirë nuk kisha probleme të mëtejshme sepse kur kemi vendosur të bëhemi polic kemi marrë parasysh të gjitha çfarë ka profesioni ynë. Jeta ime private? Nuk jam më beqare jam e fejuar dhe jetoj bashkë me të.”
Gjithashtu, ajo tregon se ka patur ndryshime edhe në anën profesionale teksa zbulon edhe dëshirën e saj më të madhe.
“Ishte një periudhë me goxha intensitet si nga ana e mediave ashtu dhe nga ana e zyrtarëve të lartë të shtetit por është zhurma e madhe që shumë shpejt më ktheu në normalitet vazhdoj akoma në radhët e policisë së shtetit aktualisht jam dhe në marrdhënie pune edhe shkollë për shkak se jam edhe për vazhdimin e shkollës së lartë të hetimit të krimit. Dëshirat janë shumë të mëdha sidomos në pjesën e policisë njëherë. Se di ndoshta një ditë të isha drejtuese e ndonjë organizate të caktuar në policinë e shtetit.”, u shpreh ajo.
Dy vite më parë efektivja Ina Nuka u plagos dhe iu këput gishti në protestën e organizuar nga banoret e Astirit para Kuvendit të Shqipërisë. Teksa u përpoq të hiqte nga qafa një kapsollë të hedhur prej protestuesve, ajo plasi, duke i shkaktuar asaj pasoja, siç ishte humbja e gishtit të madh të dorës.
Pa.Va/Fjala.al
