Aktorja e njohur amerikane, Jennifer Aniston, ka kërkuar nga fansat që të mos e votojnë Kanye West në zgjedhjet në SHBA-ve.
Reperi besohet se ka shpenzuar rreth tre milion dollarë që emri i tij të vendoset në fletëvotime, shkruan DailyStar.
Kështu në një postim në rrjetin social Instagram, Aniston ka kundërshtuar votimin ndaj tij, duke bërë thirrje se zgjedhjet nuk janë qesharake.
Ajo po ashtu ka bërë të ditur se mbështetë kandidatin Joe Biden, teksa shpjegoi edhe arsyen. Jennifer kishte ndarë edhe imazhe ku shihej duke votuar, ndërsa përmendi se votoi që shteti të bashkohej.
“Votova për Joe Biden. E dorëzova fletëvotimin, e mbusha herët. Unë votova pasi në këtë moment shteti është më i ndarë se kurrë më parë”, ka shkruar aktorja.
Përkundër thirrjeve të saj të mos e votojnë Kanye, ky i fundit gjatë kësaj jave kishte shpjeguar se çfarë do të bëjë nëse do zgjidhej president./Re.Gu/Fjala.al
