Një mësuese nga Përrenjasi Irena Bajlozi ka ndërruar jetë ditën e sotme si pasojë e Covid-19. Mësohet se mësuesja muzikës prej disa ditësh nuk kishte shkuar në shkollën ku edhe jepte mësim.
Vdekja e saj, është e para në radhët e arsimtarëve në vend. Nuk dihet nëse mësuesja ishte infektuar në shkollë nga kolegët apo nxënësit, apo jashtë saj.
Mësohet se ajo nuk kishte sëmundje bashkëshoqëruese. Pavarësisht ndihmës së mjekëve, Irena ka ndërruar jetë.
Ditën e djeshme u shënua një numër i lartë viktimash, ku 7 persona humbën betejën me koronavirusin. Ndërsa vijojnë të shënohen shifra të larta të të infektuarve./Bl.Ba/Fjala.al