Deputeti Kujtim Gjuzi ishte i pari që mori fjalën në seancën plenare në Kuvend ditën e sotme. Ai u shpreh se sa herë që kërkon interperlancë me një ministër, ky i fundit sëmuret dhe nuk vjen në Kuvend.
Gjuzi: Kam kërkesë për interpelancë, por kur duhet të vijnë tek unë ministrat i ndihmon Zoti me grip stinor. Nuk ka Covid, është grip stinor.
Kush po më kërkon të ulem? Unë nuk ulem aq kollaj. Z. Konomi unë nuk ulem kollaj, ti sot duhet të shkosh te greva. Po dërgoj kërkesën për interpelancë urgjente.
Ruçi: Kot e harxhove gjithë kohën dhe energjitë e tua se në fund duhet të kishe bërë pa u ngritur këtë që the.
Gjuzi ka kërkuar interperlancë me Ministren e Drejtësisë dhe Ministrin e Brendshëm për qytetarët që ndodhen në rezidencën Draç dhe Manëz.
