Ministrja e Shëndetësisë, Ogerta Manastirliu, publikon mesazhin e mjekes së spitalit Covid-2 “Shefqet Ndroqi”, Alma Cani.
Kjo e fundit, referuar rasteve në rritje nga koronavirusi, iu bën thirrje qytetarëve të vendosin maskën, e të ruajnë distancimin social, për të mbrojtur jetën e tyre e të të gjithëve.
“Çdo ditë shikojmë raste që po shtohen. Çdo ditë shikojmë shpërndarje të virusit. Çdo ditë po shikojmë numrin e shtuar të pacientëve në spital.
Kërkojmë ndihmën tuaj, zbatoni rregullat, bëni kujdes, distancim social e për më tepër maskë. Nuk duam t’iu shikojmë në spital, e për më tepër në terapi intensive. Ndaj, mbani maskën, mbroni jetën tonë, tuaj e të të gjithëve ne”, thekson mjekja Alma Cani.
Kujtojmë se në 24 orët e fundit në vendin tonë u regjistruan 6 viktima dhe 311 raste të reja.
Kjo është dhe shifra më e lartë e rasteve të reja në vendin tonë që nga fillimi i pandemisë. “311 të prekur, 85 të shëruar, 6 humbje jete, 289 të shtruar në spitalet COVID”, njofton ndër të tjera Ministria./Bl.Ba/Fjala.al
