Mjeku shqiptar që punon në Izmir, Gëzim Dauti ka folur për mediat shqiptare duke deklaruar se situata është duke u menaxhuar në mënyrë të shkëlqyer nga autoritetet turke.
“Situata në këtë moment pavarësisht se ka shumë panik dhe frikë po menaxhohet në mënyrë prefekti nga ana e shteti dhe spitaleve këtu, pasi Izmiri nuk ka mungesa nga ana spitalore a dhe ajo e shëndetësisë. Të plagosurit kanë marrë ndihmën e duhur sipas nevojave”, shtoi ai.
Deri më tani në Turqi janë konfirmuar 14 viktima dhe mbi 400 të plagosur , mes tyre dy minoren. Gjendja pas tërmetit shkatërrues në Turqi dhe Greqi paraqitet dhe më e rënduar ndërsa orët kalojnë. Ekipet e shpëtimit po punojnë në 17 ndërtesa të rrëzuara, për të nxjerrë njerëzit nga rrënojat.
Më herët, kryeministri grek ka telefonuar presidentin turk Erdogan, për ta shprehur ngushëllimet dhe për humbjet tragjike në shtetin turk.
“Pavarësisht nga dallimet tona, këto janë raste kur ne duhet të qëndrojmë së bashku.’’
Krahas tij, kanë reaguar Franca dhe kryetarët e BE, Von der Leyen dhe Charles Michel të cilët krahas keqardhjes shprehën dhe gatishmërinë e bllokut për të ofruar ndihmë./R.G/Fjala.al
