Aeroporti Ndërkombëtar i Tiranës ka rritur kapacitetet për pritjen e turistëve.
Nga Kuvendi zv.kryeministrja njëherësh ministre e Infrastrukturës, Belinda Balluku, theksoi se gjatë këtij viti pritet një rritje e konsiderueshme e fluturimeve në vendin tonë.
Ndërkohë që në fund të vitit parashikohet mbyllja e punimeve për Aeroportin e Vlorës.
Brenda pak javësh do të hapet gara ndërkombëtare për Aeroportin e Gjirokastrës, e cila do i japë zhvillim turizmit në jug.
Për të mbështetur zhvillimin e aviacionit civil zv.kryeministrja tha se në vend do të ngrihet një akademi për të nxjerrë profesionistë.
Në parlament u diskutuan ndryshimet në projektligjin për AlbControl, të cilat Balluku i cilësoi të rëndësishme për menaxhimin e zhvillimeve të fundit në Aviacionin Civil./ kb
