Një 52-vjeçar u hodh nga kati i katërt i spitalit ‘Shefqet Ndroqi’ ku prej një jave kurohej nga Covid-19.
Doktoresha Ariana Rreli e ftuar në emisionin ‘ABC e Mëngjesit’ ka treguar se viktima para se të vetëhidhej nga ndërtesa ka pyetur se kur do të merrte mjekimin.
Sipas saj një ndër arsyet pse të sëmurët rëndohen psikologjikisht është sepse ilaçi i cili përdoret, ‘Redemsivir’, jep efekte psikike. Gjithashtu ajo tregoi se ky ilaç është i njëjti që ka përdorur dhe presidenti i SHBA-ve, Donald Trump.
“Redemsivir jep efekte psikike dhe i sëmuri që u hodh tek ‘Shefqet Ndroqi’ veproi papritur. Kërkoi orarin e mjekimit pak minuta para se të vetëhidhej. Redemsivir është ilaçi që përdori Trump”, tha Rreli./r.g/Fjala.al
