Artistja e njohur, Justina Aliaj prej disa ditësh ndodhet e shtruar në spitalin Infektiv duke luftuar me koronavirusin Covid-19.
Siç shihet edhe nga pamjet e siguruara nga News24, artistja e madhe shkodrane mban një maskë oksigjeni dhe pyetet për kushtet e spitalit. Mes lotësh ajo u shpreh se stafi është kujdesur jashtëzakonisht shumë për të dhe se nuk do i harrojë derisa të vdes. Ajo tregon se fillimisht mendoi se ishte prekur nga një grip sezonal dhe shkoi vonë në spital. Por që prej momentit që është shtruar në spital, ajo shprehet se gjendja e saj është përmirësuar.
“Jam më mirë se sa ditën e parë. Nuk jam e trembur. E dua shumë popullin tim. Me dash Zoti me m’lënë dua të them se këtu janë kujdesur jashtëzakonisht shumë për mua. Kam parë që kanë bërë një mrekulli për mua. Nuk do i harroj kurrë deri sa të vdes. Fillimisht u tregova e papjekur, mendova që jam me grip, pra e vonova ardhjen. Kur erdha isha gati sikur po hyja në një tunel. Kur erdha këtu isha në gjendje jo të mirë, e ndjej përmirësimin”,– thotë ajo mes lotësh./r.g/fjala.al
