Paris-presse (1963) / Mbretëresha Geraldinë kërkoi 500.000 franga dëmshpërblim për shpifjen ndaj mbretit Zog

113 563 lexime

77,309FansaPëlqeje

Nga Aurenc Bebja

“Paris-presse” ka botuar, të mërkurën e 18 shtatorit 1963, në faqen n°7, një shkrim në lidhje me procesin gjyqësor të mbretëreshës Geraldinë ndaj revistës franceze “L’Histoire pour tous”, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar:

Geraldina e Shqipërisë kërkon këtë shumë nga një revistë e cila akuzon Zogun I se “ka marrë rezervat e arit nga thesari i shtetit” gjatë pushtimit Italian.

500.000 franga për nderin e një mbreti

Në gjyqin “historik” i cili është thirrur këtë pasdite, përpara dhomës së 17-të korrektuese, avokati Jean-Louis Aujol mbron, sipas traditës së mirë, të venë dhe jetimin. Por kjo e ve dhe ky jetim janë një mbretëreshë dhe një bir mbreti. Geraldina e Shqipërisë ka hedhur në gjyq revistën mujore “L’Histoire pour tous”, të cilën e akuzon se ka shpifur mbi memorjen e burrit të saj, Zogut të Parë. Një artikull i Jo (Joseph) Tranchal-it, i cili u botua në numrin e qershorit 1962, i ka bërë vërejtje ish-mbretit për faktin se, kur ai u dëbua nga froni i tij në 6 Prill 1939, nga pushtimi italian, “lejoi të flijoheshin tre batalione të ushtrisë së tij” dhe “mori me vete rezervat e arit të thesarit të Shtetit”.

Sovrania kërkon 500,000 franga dëmshpërblim.

U prita nga ajo, natën e kaluar, në vendbanimin e saj parisien që ajo ka mbajtur. Ajo po mbërrinte nga Madridi, ku është vendbanimi i saj. Geraldina e Shqipërisë i ngjan legjendës së saj: shumë e gjatë, shumë e bukur, bjonde me sy të mëdhenj gri dhe një buzëqeshje me “gropëzat” në faqe. Ajo është veshur e gjitha me të zeza: u bënë dy vite që kur mbreti Zog vdiq.

“— Burri im, më tha ajo, ishte një burrë trim dhe një njeri me nder. Akuza të tilla janë të pamundura! Unë thirra si dëshmitar ish-ambasadorin e SHBA-ve në Shqipëri, z. Hugh Grant, burra shteti francezë dhe ish-oficerë të burrit tim.

Lexo edhe :  Meta: Urime kuqezinjve për shpirtin luftarak! / Duka: Fitore e madhe, në çastin e duhur!

Ne u detyruam të largoheshim sepse Zogu refuzoi të shiste vendin e tij te Musolini. Unë u largova nga Tirana nën bombat italiane, duke mbajtur në krahë djalin tim, Lekën, i cili lindi një ditë më parë, më 5 Prill…”

“— Unë i besoj drejtësisë, më tha kundërshtari i mbretëreshës, z. Jean Eldin, drejtori-menaxhues i “L’Histoire pour tous – Historia për të gjithë”: Revista ime boton vetëm artikuj të kontrolluar me burimet më të mira. Emri i drejtorit të saj letrar, Alain Decaux, është garancia më e sigurtë e seriozitetit të kërkimeve tona. Në këtë artikull, ne jemi kufizuar në bërjen e historisë. Avokatët e mi, Gabriel Delattre dhe Jean – Edouard Bloch, do të prodhojnë dokumente të pakundërshtueshme, përfshirë një tekst nga akademiku Jérôme Tharaud.”

Jean-Paul LACROIX

Tersi me anijet, rrëfimi i Leka Zogut në gazetën “Sud-Ouest”

“Paris-presse” ka botuar, të mërkurën e 14 gushtit 1968, në faqen n°3, një shkrim në lidhje me rrëfimin e fatkeqësive të Leka Zogut me përdorimin e anijeve.

Leka I, mbreti i Shqipërisë në mërgim, i rrëfeu fatkeqësitë e tij Christian Bombediac-ut të “Sud-Ouest”: “Kur bleva anijen time dy vite më parë në Angli, nuk bëra një aferë të mirë. Tani po e vë re. Mbase u nxitova pak. Dikur lundroja, por mendova se ishte më lehtë të ktheja një çelës për të ndezur një jaht. Kështu bleva “Solartite-n”, por sapo arrita në Alicante dy zjarre ndodhën në bord. Me mysafirët e mi, ne e vumë situatën nën kontroll, sepse, natën, parimi im është të bëj një xhiro çdo orë. Kështu që zjarrin e zbulova menjëherë. Më vonë, më ndodhën disa stuhi, por nuk kam frikë prej tyre…” Leka I i Shqipërisë po kërkon gjithashtu një “banesë” në Paris. Duhet që ajo të ketë një tavan të lartë sepse mbreti në mërgim është i gjatë 2.04 m.

Marrë nga Blogu © Dars (Klos), Mat – Albania)

Të fundit

Shenjat më të zgjuara të zodiakut

Kush shquhet për inteligjencë dhe zgjuarsi sipas astrologëve. Të gjithë njerëzit në një mënyrë apo në një tjetër, janë...

Shqipëria dhe Italia marrëveshje për Krijimin e Komitetit të Përbashkët

Shqipëria dhe Italia kanë firmosur sot marrëveshjen për Krijimin e  Komitetit të Përbashkët të Përhershëm. Marrëveshja u firmos nga Ministri i Punëve të Jashtme...

Sakrificat që një grua nuk duhet t’i bëjë kurrë për një burrë

Shpesh, duke u përpjekur të mbajnë një marrëdhënie dhe t’i pëlqejnë një burri, gratë bëjnë disa lëshime dhe sakrifica, duke shpresuar sinqerisht se i...

Di Maio flet shqip: Drejt Europës së përbashkuar. Rama: Shqipe perfekte me dialekt napolitan

Ministri i Punëve të Jashtme dhe Bashkëpunimit Ndërkombëtar Italian, Luigi Di Maio në mbyllje të fjalimit të tij gjatë konferencës së përbashkët me kryeministrin...

SHBA i kujton ish-kryeprokurorit Llalla vendin në “listën e zezë” të DASH-it

Ish-kryeprokurori Adriatik Llalla është shpallur i pandehur nga vendimi i djeshëm i Gjykatës së Posaçme, si dhe hoqi sekuestron e pasurisë. Pas këtij vendimi ka...

Lajme të tjera

Web TV