Aktorja e famshme e tenelovelave, Broselianda Hernandez, e cila ka punuar për gati tre dekada në televizion, teatër dhe filma, është gjetur e vdekur në bregun e detit të Miami Beach, ndërsa dyshohet se është mbytur.
Hernandez, 56 vjeç, kishte jetuar në Miami për pesë vitet e fundit pas një karriere si aktore që e filloi në vitin 1980.
Zyra e ekzaminuesit mjekësor nuk kishte përcaktuar ende shkakun e vdekjes, por policia tha se ata besojnë se Hernandez është mbytur.
Një dëshmitar thirri policinë rreth orës 6:30 të mëngjesit të mërkurën pasi gjeti trupin e një gruaje afër vijës bregdetare në afërsi të Rrugës 79th, tha zëdhënësi i Policisë së Miami Beach Ernesto Rodriguez.
Video nga stacioni Local10 tregoi momentin kur policët arritën në plazh dhe mbuluan trupin e gruas me një pëlhurë të verdhë përpara se ta hiqnin nga vendi i ngjarjes.
Familja e saj tha se ajo kishte dalë për të blerë cigare të martën vonë por kurrë nuk erdhi në shtëpi dhe nuk iu përgjigj në telefon./r.g/fjala.al
