Njoftimet nga firmat farmaceutike Moderna Therapeutics dhe Pfizer / BioNTech të vaksinave të koronavirusit me efikasitet të lartë kanë ushqyer shpresat se pandemia, e cila ka mbërthyer botën për nëntë muaj, mund të përfundojë. Por për sa kohë do të na mbrojnë këto vaksina nga virusi?
Ugur Sahin i BioNTech ka dhënë një vlerësim se këto vaksina mund të na mbrojnë “të paktën një vit”.
Raportet e ri-infektimit nga Covid-19 ushqejnë një shqetësim se imuniteti përmes infektimit ose imunizimit të kaluar mund të zgjasë vetëm disa muaj. Pra, ndërsa qeveritë shpresojnë se vaksinat mund të shmangin kërcënimin e menjëhershëm nga virusi, ata gjithashtu shpresojnë që një fushatë e imunizimit do t’i lërë qytetarët e tyre të mbrojtur në planin afatgjatë.
Kombinuar me metoda të tjera të menaxhimit të sëmundjes, të tilla si distancimi fizik dhe bllokimet në pikat e nxehta të virusit, vaksinat mund të ndihmojnë në zvogëlimin e përhapjes së Covid-19 në nivele të menaxhueshme dhe më në fund të sjellë fundin e pandemisë – edhe nëse virusi nuk është eleminuar plotësisht.
Deri më tani, më shumë se 1.3 milion njerëz kanë vdekur nga Covid-19 në mbarë botën. /r.g/fjala.al
