Gjatë 24 orëve të fundit në Kosovë janë shënuar 10 viktima dhe 521 raste të reja me Covid-19.
Autoritetet kosovare kanë bërë me dije se nga 1.375 teste të kryera kanë rezultuar pozitivë 521 prej tyre. Gjatë 24 orëve janë shënuar 10 viktima nga koronavirusi. Bëhet me dije se rastet e vdekjeve janë shënuar në këto komuna: Podujevë 2 raste (81,75 vjeç), Prishtinë 2 raste (83,58 vjeç), Viti 2 raste (77, 77 vjeç), Mitrovicë 1 rast (71 vjeç), Pejë 1 rast (79 vjeç), Junik 1 rast (83 vjeç), Rahovec 1 rast (78 vjeç).
Numri i përgjithshëm i rasteve pozitive me Covid-19 në Kosovë ka shkuar në 40.117 nga të cilët 145.363 persona të dyshimtë me virusin SARS-CoV-2 dhe 1.026 viktima.
Gjatë 24 orëve të fundit, janë shëruar 585 pacientë derisa numri i përgjithshëm i të shëruarve deri më sot është gjithsej 25.586 raste, kurse numri i rasteve aktive është 13.505./r.g/fjala.al
