Kryeministri Edi Rama i është drejtuar shqiptarëve me një mësazh në vigjilje të ndërrimit të viteve. Kreu i qeverisë në mesazhin e tij, u fokusua tek tërmeti dhe pandemia, ndërsa shtoi se vendi ynë po e fiton betejën pavarësisht se u godit fort gjatë 2020.
“Në rezistuam dhe i qëndruam goditjes së egër të tërmetit dhe sot shkollat janë të rilindura. Po rilindin më të bukura dhe më të forta edhe shtëpitë e familjve të mbetura pa strehë një vit më parë nga tërmeti tragjik. Nuk ka krenari më të madhe për mua se hapja e dyerve të këtyre shtëpive. Puna vazhdon falë 25 mijë punëtorëve dhe qindra kompanive shqiptarë.”
Rama thotë se vaksina kundër koronavirusit do të jetë falas dhe jo e detyrueshme për qytetarët. Kreu i qeverisë thekson se fillimisht do të vaksinohen grupet më të rrezikuara që nis me bluzat e bardha.
“Ndërkohë vazhdon çdo ditë lufta më armikun e padukshëm për sigurimin e vaksinës dhe nisjes e vaksinimit. Ajo do jetë falas dhe jo e detyrueshme, por kjo luftë nuk pritet të mbarojë para fndit të vitit të ardhshëm. Në do vazhdojmë të mbështesim familjet e goditura nga pandemia. Nga janari bluzat e bardha do paguhen 40% më shumë dhe mësuesit 15% më shumë. Nga janari edhe paga minimale do të jetë 300 mijë lekë.”, tha Rama.