Karotat dhe brokoli janë dy ushqime të shëndetshme, por tashmë duhet të dini diçka më shumë: parandalojnë obezitetin e fëmijëve.
Kështu që nëna dëgjoni: mjaftojnë dy porcione në ditë karota dhe brokoli me përmasë sa grushti, për të luftuar mbipeshën tek fëmijët dhe për të mbajtur larg diabetin e tipit 2 nga të vegjlit.
Është kjo ajo që thotë një studim amerikan i Universitetit të Texas dhe Karolinës së Jugut, i publikuar në revistën shkencore “Academy of Nutrition and Dietetics”, i cili synon ndërgjegjësimin për dobitë që sjell në shëndetin e fëmijëve perimet dhe zarzavatet me ngjyrë jeshile dhe portokalli.
Duke mbajtur nën vëzhgim 175 fëmijë obezë ose mbipeshë në Los Angeles, konstatuan se edhe sasi të vogla brokoli dhe karotash, rrisin nivelin e insulinës në gjak dhe reduktojnë akumulimin e dhjamit rreth belit, i cili cilësohet si një ndër më të rrezikshmit për shkak të sëmundjeve që shkakton.
Studiuesit thonë se edhe një pjatë sallatë e larmishme bën diferencë në shëndetin e fëmijëve./Bl.Ba/Fjala.al
