Kryeministri Edi Rama gjatë ditës së sotme ka zhvilluar një vizitë në qytetin e Fierit, pikërisht në vendin ku pritet të ndërtohet spitali rajonal i këtij qyteti i premtuar nga Presidenti i Turqisë, Rexhep Taip Erdogan. Vendi ku pritet do të ndërtohet spitali quhet pylli i Levanit.
Gjatë inspektimit, kryeministri Rama shoqërohej nga kryebashkiaku i Fierit Armando Subashi.
Ai inspektoi edhe një pjesë të tokave bujqësore në fshatin Cerven, pranë urës së Mifolit, që u përmbyten gjatë ditës së djeshme prej daljes nga shtrati të lumit Vjosë.
“Çerven, Fier – Falë punës së madhe të bërë disa vjet rresht në pastrimin e kanaleve të bllokuara me dekada, sistemimin e magjistraleve të tyre me skarpate betoni, si edhe punës së përbashkët me Forcat e Armatosura në forcimin e në ngritjen e kuotës së argjinaturave, po kalojmë me sukses testin e reshjeve masive, të cilat në kohë të tjera do kishin sjellë përmbytje masive banesash, mbytje bagëtish dhe kërcënim serioz për jetën e njerëzve!
Kjo zonë kritike ku Vjosa bënte namin në të shkuarën duke shpërthyer nga shtrati, e marrë përpara mijëra banesa, është një provë shembullore e punës së bërë me vite për një ditë të keqe? #PunëJoGjumë?”, shkruan Rama./Bl.Ba/Fjala.al
