Një aksident i rëndë ka ndodhur pak minuta më parë në rrugën e Kombit. Aksidenti ka ndodhur në aksin Rrëshen-Rubik, pranë karburant “Toma”.
Nga informacionet paraprake, mësohet se viktimat janë shtetas nga Kosova, dhe trupat e tyre janë dërguar në morgun e Spitalit të Rrëshenit. Ndërkaq i plagosur rëndë ka mbetur edhe një fëmijë.
Mësohet se një mjet “Citroen” është përplasur nga një kamion, ku për pasojë dyshohet të kenë humbur jetën 4 persona.
Grupi hetimor dhe Shërbimi Zjarrfikës ndodhen në vendngjarje.
