Kryeministri Edi Rama ka kritikuar sërish në Kuvend Bashkimin Evropian. Rama u shpreh se BE la fatin e vaksinimit të njerëzve të Ballkanit Perëndimor tek marrëveshjet bilaterale.
Madje ai kujton se në vendet e rajonit që nuk janë pjesë e BE vetëm Shqipëria e Sebria kanë filluar vaksinimin.
”Në konceptin e planifikimit të marrjes së aksesit, përmes Pfizer, BE nuk pa përtej kufijtë të vetvetes, e la fatin e vaksinimit të njerëzve në rajonin tonë në atë që u quajt mundësi për marrëveshje bilaterale. Sot përjashto Serbinë dhe Shqipërinë, asnjë vend tjetër s’ka filluar me vaksinimin. Të gjitha vendet e rajonit, ashtu si vendet e tjera prej kohësh kanë parapaguar për akses në vaksinë përmes COVAX, një platformë e ndërtuar pikërisht për t’iu dhënë për të aksesuar pavarësisht statusit në aspektin ndërkombnëtar. COVAX ende nuk ësthë hapur. Akoma nuk ka filluar furnizimi. Flitet se do nisë së shpejti.”- tha Rama.
