Enver Roshi është deputet dhe kryetar i Komisionit parlamentar të Shëndetësisë po ai është në profesion mjek. Gjatë intervistës Roshi deklaron se qeveria e ka menaxhuar shumë mirë situatën e pandemisë dhe ajo që është më kreyesorja është nisja e vaksinimit. Për këtë Roshi parashikon që brenda 14 muajve e gjithë popullata do vaksinohet. Roshi bëri një replikë me të gjithë ata mjekë që mbështesin opozitën që të mos bëjnë kritika të pabaza ndaj mënyrës se si po menaxhohet pandemia. Roshi replikoi edhe me politikanin mjek Tritan Shehu që sipas tij ka bërë disa deklarata jo normale.
-Si mendoni se është menaxhuar pandemia nga qeveria shqiptare?
-Për mua është bërë në parametrat normalë. Duke marrë parasysh që kjo është një luftë e padukshme. Por menaxhimi i një pandemie nuk kërkon vetëm pjesëmarrjen e qeverisë, por të gjithë shoqërisë shqiptare. Ajo që unë kam kritikuar vazhdimisht në parlament ka qenë politika në përgjithësi.
-Për kë e keni fjalën?
-Për opozitën.
-Pse?
-Në luftë kur shkohet shkohet me gjeneralë që japin disa urdhëra. Sot i ra barra kësaj qeverie që ta drejtojë këtë luftë. Njerëzit, qytetarët, duhet të kenë një mesazh, mesazhi i parandalimit të kapjes nga virusi. Ashpërsia politike shqiptare këtu lë për të dëshiruar. Shëndetësia duhet t’iu lihet vetëm profesionistëve sepse atyre iu dhemb.
-Ka filluar vaksinimi në Shqipëri, si e vlerësoni?
-Po, që n ështator kemi kaluar në Komisionin e Shëndetësisë programin e Covax-it ku Shqipëria bëri pagesën e parë. Para një muaji ishte marrëveshja që u firmos me Pfizer pr marrjen e 500 mijë dozave të tjera. Lufta për vaksinën është shumë e madhe nga të gjitha vendet e Europës. Shqipëria është pjesë e kësaj lufte, por duke ditur që mundësitë tona diplomatike janë më të pakta krahasuar me vendet e tjera, ka një kërkesë emergjente për vaksina nga Komiteti Evropian.
-Ka një ide që brenda 14 muajve të gjithë shqiptarët do vaksinohen. Besoni te kjo?
– Derisa jetojmë, shpresojmë. Varianti më pozitiv është 14 muaj./Fjala.al/Ke.Ba
