Disa probleme me sigurinë, që duket se është shfrytëzuar nga hakerat, ka bërë që Apple ka vënë në dispozicion një përditësim për versionin 14 të sistemeve të saj operative iOS dhe iPadOS. Apple njoftoi se këto defekte mund të jenë shfrytëzuar nga përdoruesit me qëllime të këqija, kështu që ata me iPhone ose iPad këshillohen të përditësojnë sistemin në versionin e ri 14.4 sa më shpejt të jetë e mundur.
Apple nuk dha shumë informacione të tjera mbi shkeljet e mundshme: vetëm specifikoi që, për mbrojtjen e përdoruesve të saj, “nuk zbulon, diskuton ose konfirmon probleme të sigurisë derisa të kryhet një hetim”.
Dy nga të metat kanë të bëjnë me WebKit, sistemin për shikimin e faqeve të internetit në Safari (shfletuesi i Apple), ndërsa një defekt i tretë ka të bëjë me përbërësin kryesor (“kernel”) të vetë sistemit operativ. Apple ia atribuoi raportin e tre problemeve një “studiuesi anonim” dhe tha se është i vetëdijshëm se problemet mund të jenë shfrytëzuar.
TechCrunch shkruan se nuk është e pazakontë, rasti kur shfrytëzohen dobësitë në shfletuesit e një pajisjeje të sulmohen (siç është WebKit për Apple) për të fituar qasje në sistemin operativ themelor (kernel në këtë rast).
Apple me kalimin e kohës ka ndërtuar një imazh të besueshmërisë në fushën e sigurisë së informacionit, për të cilën kompania është shumë krenare dhe shpesh e njohur nga përdoruesit. Ata që përdorin këto pajisje elektronike duhet t’i përditësojnë ato sa më shpejt të jetë e mundur.
