Fotoja e një të mbijetuari të Holokaustit, 93 vjeç, me numrin tatuazh të Aushvicit në krah ndërsa vaksinohet ka bërë xhiron e rrjetit. E publikuar në Tuiter nga i biri, fotoja është botuar menjëherë nga mediat më të mëdha.
Herschel Herskovic – një i mbijetuar i kampit të shfarosjes – u prek kohët e fundit nga Covidi duke e kaluar atë dhe më pas u vaksinua nga një infermiere e re e Ushtrisë Britanike, Maddy Oliver.
Fotoja e Herscovic – i cili ka humbur të afërm të shumtë gjatë Shoah dhe është i verbër – u postua nga djali i tij David në profilin e tij ‘ifyoutickleus’: “Nga errësira në dritë. Maddy Oliver po vaksinon babanë tim në të njëjtin krah ku 76 vjet më parë numri i shkruhej në Aushvic”.
Sipas të dhënave të fundit të lëshuara nga Zyra Qendrore e Statistikave të Izraelit në vitin 2020 kishte rreth 900 të mbijetuar të holokaustit që vdiqën nga Covid me një normë vdekjeje prej 17% krahasuar me rreth 5 300 prej tyre të prekur. Për këtë arsye, kreu i ministrisë për Diasporën ka njoftuar një plan për vaksinimin e të gjithë të mbijetuarve të Holokaustit si në Izrael ashtu edhe jashtë saj. “80 vjet më parë – ai shkroi në Twitter – virusi antisemitizëm kërcënoi të shkatërronte popullin hebre. Nuk kishte vaksina për atë epidemi. Sot ne kemi të drejtë të ndihmojmë ata që jetuan në atë ferr dhe të sigurojmë mbrojtjen e tyre nga koronavirusi. Është një detyrim moral për ne”.
