Një 19-vjeçar që kishte qenë pothuajse një vit në koma, është zgjuar pa ditur asgjë për pandeminë e Covid-19 edhe pse është infektuar dy herë me virus. Joseph Flavill u përplas nga një makinë në muajin mars të vitit të kaluar dhe që nga ajo kohë ka qenë në koma.
Madje, 19-vjeçari është infektuar dy herë me koronavirus, një herë ndërsa ishte ende në koma dhe herën e dytë pasi u zgjua, së cilit iu desh të izolohej ndërsa ndodhej në spital.
“Ne nuk e dimë sa kupton pasi aksidenti ndodhi para bllokimit të parë dhe është pothuajse sikur të ketë qenë duke fjetur gjatë gjithë pandemisë.
Është e vështirë pasi e dimë që ai është më vigjilent, por si t’ja shpjegojmë pandeminë dikujt që ka qenë në koma? Dëmtimi i trurit është i panjohur, nuk na kanë thënë asgjë se çfarë të presim”, tha halla e tij Flavill Smith.
Ajo tha më tej se familja është përpjekur t’ja shpjegojë përmes telefonatave me video pasi nuk është në gjendje të jetë me të personalisht për shkak të kufizimeve të koronavirusit.
Adoleshenti, i cili u kurua në spitalin Leicester General dhe tani është zhvendosur në qendrën e kujdesit Adderley Green në Stoke-on-Trent për të vazhduar kurimin, ka filluar të lëvizë gjymtyrët e tij, ndërsa është duke komunikuar me familjen dhe miqtë përmes pulsimit dhe buzëqeshjes.
