Lajme të mira nga Turqia/ Sentop takim me Ruçin: Do çojmë në 1 mln shkëmbimin tregtar

113 563 lexime

106,048FansaPëlqeje

Kreu i Asamblesë së Turqisë, Mustafa Sentop, ndodhet në një vizitë zyrtare në Shqipëri, vizitë të cilën e ka nisur me një takim me kreun e Kuvendit, Gramoz Ruçi.

Pas takimit me Ruçin, Sentop tha gjatë një konference për shtyp se marrëdhëniet mes dy vendeve ndodhen në nivele të larta dhe vijon bashkëpunimi për t’u çuar ato akoma më lart.

Në fjalën e tij, zyrtari turk vuri theksin te organizata terroriste Feto, duke thënë se Turqia nuk do të lejojë kurrën e kurrës që kjo organizatë tinëzare të ndikojë në marrëdhëniet mes dy vendeve. Më tej, Sentop u shpreh se kanë përfunduar procedurat për hapjen e Konsullatës së Përgjithshme të Turqisë në Vlorë, që do të zhvillojë më tej turizmin jugor të Shqipërisë.

“Ju kam sjellë përshëndetjet më të përzemërta të 83 milionë turqve dhe Presidentit Erdogan. Ndjej kënaqësi që ndodhem në Shqipëri, bashkë me delegacionin tim, në përgjigje të ftesës që më ka bërë kryetari i Kuvendit, Ruci. Falënderoj z.kryetar për mikpritjen dhe vëmendjen e veçantë që tregoi ndaj meje dhe delegacionit që kryesoj. Me Shqipërinë ndajmë një histori rrënjësore dhe një kulturë të përbashkët. Në fakt ne kemi shumë vlera dhe personalitete të përbashkët, mes të cilëve edhe arkitektin e Xhamisë Blu, apo rektorin e Universitetit të Stambollit, poetin kombëtar të Turqisë. Kemi Sami Frashërin, i pari që ka bërë punime për enciklopedinë turke. Kemi shumë personalitete të tilla të rëndësishme të përbashkëta. Marrëdhëniet tona dypalëshe po ecin në një nivel të mrekullueshëm, që i shkon për shtat miqësisë sonë historike dhe marrëdhënieve tona aleate. Sot në takimin që pata me z.kryetar, kokë më kokë dhe mes delegacioneve, realizuam bashkëbisedime shumë të rëndësishme dhe të dobishme. Këto marrëdhëniet dypalëshe dhe marrëdhëniet parlamentare ne i trajtuam në të gjitha dimensionet e tyre. Sot do të kem mundësi dhe rastin të takoj edhe Presidentin Ilir Meta dhe kryeministrin Edi Rama. Sic jeni në dijeni, gjatë vizitës së z.Ramës në Turqi, 6-7 janar, marrëdhëniet tona dypalëshe u ngritën në nivelin e bashkëpunimit strategjik. Zyrtarizimi i këtij partneriteti strategjik do të ngrejë në nivele më të larta bashkëpunimet në të gjitha fushat. Gjatë vizitës së z.Rama u ra dakord për ndërtimin e spitalit në Fier. Punimet për ndërtimin e këtij spitali po vazhdojnë pa ndërprerje.

Lexo edhe :  Ish-shefi i Shtabit Bardhyl Kollçaku: NATO e gatshme të sjellë kontrollorët e vet në Rinas nëse mungojnë punonjësit shqiptarë

Gjatë takimit që patëm me z.kryetar unë fola dhe për aktivitetin e organizatës terroriste Feto. Ashtu si në vende të ndryshme të Ballkanit, kjo organizatë terroriste është prezente edhe në Shqipëri. Kjo organizatë Feto është një organizatë që shkoi deri aty, sa të bombardojë edhe parlamentin e Turqisë, që ishte në seancë plenare. Në Turqi kjo organizatë është eliminuar në masë të madhe. Por, nuk është vetëm Turqi objektivi i kësaj organizate terroriste tinëzare e nivelit ndërkombëtar. Kjo organizatë, ky grup terrorist, për të realizuar qëllimet e veta, e maskon aktivitetin me institucione arsimore, në shëndetësi, media e shoqata të ndryshme. Të gjitha vendet ku ajo vepron përbën një rrezik për sigurinë e atyre vendeve. Por dua të them që ne nuk do ta lejojmë kurrën e kurrës që kjo organizatë terroriste të helmojë marrëdhëniet mes dy vendeve tona. Marrëdhëniet ekonomike dhe tregtare përbëjnë një dimension të rëndësishëm të marrëdhënieve tona dypalëshe. Momentalisht shkëmbimet tregtare mes dy vendeve tona janë rreth 500 milionë euro. Investimet turke në Shqipëri kapin vlerën e rreth 3.5 miliardë dollarë. Jemi të vendosur për ta ngritur këtë shkëmbim tregtar në nivelin e 1 miliard dollarëve brenda disa viteve. Kemi dëshirë dhe synojmë t’i rrisim e zgjerojmë investimet tona në Shqipëri, në veçanti në sektorin e turizmit. Kanë përfunduar procedurat për hapjen e Konsullatës së Përgjithshme të Turqisë në Vlorë dhe kështu do të kemi një kontribut në zhvillimin e turizmit në jugun shqiptar. Uroj që kjo vizitë të jetë e dobishme dhe të japë rezultate në dobi të interesit të marrëdhënieve tona”, deklaroi kreu i Asamblesë së Turqisë.

 

Të fundit

Nga fotot me Obamën te modelet nudo në ballkon, kush është personi që “tronditi” Dubain

Amerikani Vitaliy Grechin, është biznesmeni i pasur që qëndron pas fotosesionit të cilësuar si skandaloz, ku disa modele u...

72-vjeçari ecën 10 km mbi kalë për të shitur qumësht në Librazhd

Mehmet Skenja nga fshati Dorëz I Librazhdit, nuk ndalet së punuari që kur agon deri sa bëhet natë. Ditën e nis me mjeljen e...

E nxjerr zvarrë nga makina dhe e godet me grushte/ Sherr mes vajzave tek Currilat në Durrës (VIDEO)

Një skenë, e cila nuk është shkëputur nga asnjë film aksion, është filmuar në zonën e Currilave në Durrës. Në video duken vajzat që...

Rama publikon letrën drejtuar Ahmet Zogut: Vetëm ne e mbajtëm premtimin për rrugën e Lumit të Vlorës

Rruga e Lumit të Vlorës, e cila është premtuar prej 100 vitesh, duket se po bëhet realitet. Mbrëmjen e sotme kryeministri Edi Rama ka publikuar...

Balla takim me banorët në Stravaj: Mandati i ri nevojitet për të transformuar Shqipërinë

Drejtuesi politik i Partisë Socialiste për Qarkun e Elbasanit Taulant Balla zhvilloi një takim me banorët e fshatit Stravaj në Prrenjas. Në fjalën e tij...

Lajme të tjera

Web TV