Ish-presidenti, Donald Trump ka bërë një rikthim në mediat sociale, për të thënë edhe njëherë se akuzat kundër tij për nxitjen e kryengritjes në kongresin amerikan nuk mund të provohen.
Trump ka përdorur, llogarinë e tij në Gab, një platformë alternative në Twtter që përdoret shpesh nga ndjekësit e tij të krahut të djathtë, për të publikuar një letër nga avokatët e tij.
Pasi u ndalua nga Tëitter dhe Facebook, ish-presidenti nuk është shfaqur më në rrjete sociale, por ka përdorur Gab për të vijuar me pretendimet e tij të përsëritura tashmë, zgjedhjet në SHBA ishin të manipuluara dhe të vjedhura.
“Ne e kemi kuptuar marifetin tuaj më të fundit të marrëdhënieve me publikun. Siç e dini sigurisht, nuk ka diçka të tillë si përfundim negativ në këtë procedurë antikushtetuese. Letra juaj konfirmon vetëm atë që është e njohur për të gjithë: ju nuk mund të provoni pretendimet tuaja kundër Presidentit të 45-të të Shteteve të Bashkuara, i cili tani është një qytetar. Përdorimi i Kushtetutës sonë për të sjellë një procedim të pretenduar të fajësimit është shumë serioz për të provuar të luash këto lojëra”, thuhet mes të tjerash në letër.
Në postimin e tij të parë që nga 8 Janari, Trump postoi një përgjigje për ftesën e kongresmenit Jamie Raskin për ish-presidentin, që të dëshmonte në gjyqin e tij të fajësimit për akuzat për nxitjen e kryengritjes që shkaktoi trazirat e Kapitol.
Këshilltari i tij, Jason Miller, së pari ndau refuzimin e Trump për t’u paraqitur në fillim të kësaj jave, por postimi i ish-presidentit drejtuar Gab ishte hera e parë që letra e plotë shihej publikisht.
