Fatmirësisht, në vendin tonë, qytetarët i kanë mirëpritur vaksinat kundër Covid, ndërsa procesi i vaksinimit masiv vijon me ritme të shpejta. Para çadrave të vendosura në “Sheshin Skënderbej” ka patur një fluks të madh personash mëngjesin e sotëm, të cilët kërkojnë të imunizohen kundër koronavirusit.
Janë një numër i madh personash që presin për të marrë vaksinën, ku disa prej tyre po marrin dozën e dytë të vaksinës kineze, ndërsa të tjerë po marrin dozën e parë të vaksinës së AstraZeneca.
Deri më tani janë mbi 200 mijë qytetarë kanë marre dozën e dytë të vaksinës, ndërsa numri total i vaksinimeve të kryera ka shkuar në mbi 650 mijë, ndërsa objektivi i ri i vendosur nga qeveria është kryerja e 1 milion vaksinime brenda muajit qershor.
Vaksinimi masiv vijon me kalendar të kombinuar, për disa kategori ku këtu përfshihen personat mbi 60 vjeç dhe punonjës të shërbimeve kritike si punonjës të fasonerive, operatorëve turistikë, policë, gazetarët dhe operatorët e terrenit etj.
