Kërkesa e Mbretit Zog drejtuar ambasadorit amerikan Charles Hart: Ma gjej një nuse në Amerikë!

113 563 lexime

106,048FansaPëlqeje

Gazetari i njohur Enver Robelli ka risjellë historinë sesi Mbreti Zog i kërkoi një nuse amerikane Charles Hart, atëherë ambasador i SHBA në Tiranë.

Robelli me anë të një postimi në rrjetet sociale tregon sesi Hart u përpoq vërtetë të gjinte një nuse, teksa Mbreti Zog ksihte refuzuar pasi nuk i plotësonte kriteret që ai donte.

E teksa risjell historinë, gazetari me ironi duke iu referuar situatave të tanishme shkruan “ambasadorët amerikanë përherë kanë qenë në hall me politikanët shqiptarë”.

Postimi i plotë i Enver Robellit:

Më 1925 Charles Hart u emërua ambasador (atëbotë ministër) i SHBA-së në Tiranë. Me kalimin e viteve Hart krijoi një raport mirëbesimi me Mbretin Zog, i cili kishte respekt e adhurim të madh për Amerikën.

Njëherë kur ambasadori u kthye për pushime në Amerikë, Zogu iu lut t’ia gjente një nuse amerikane. Por Zogu kishte edhe dy kërkesa: nusja të jetë e bukur dhe të jetë e pasur (të ketë së paku një milion dollarë).

Lajmin se Zogu kërkonte një nuse amerikane e dha agjencia e lajmeve Associated Press. Ambasadori Charles Hart e mori seriozisht kërkesën e Mbretit të shqiptarëve dhe u kthye nga Amerika me një listë me emra vajzash amerikane, por Zogu s’pranoi të merrte asnjërën prej tyre sepse s’plotësonin kushtin e tij: të kishin një milion dollarë. Ambasadorët amerikanë përherë kanë qenë në hall me politikanët shqiptarë.


Të fundit

Kërkesa e Mbretit Zog drejtuar ambasadorit amerikan Charles Hart: Ma gjej një nuse në Amerikë!

Gazetari i njohur Enver Robelli ka risjellë historinë sesi Mbreti Zog i kërkoi një nuse amerikane Charles Hart, atëherë...

Drejt fundit hetimet për krimin në Greqi/ Ngushtohet lista e të dyshuarve, a ka pasur gisht bashkëshorti në vrasjen e gruas?

Janë drejt fundit hetimet për krimin e rëndë të ndodhur në Glyka Nera, ku grabitësit vranë një nënë të re. Hetuesit janë drejt identifikimit të...

Riaktivizohet aerodromi i Gjirokastrës për sportet ajrore pas 30 vitesh, Rama: Një hapësirë më shumë për turizmin e zonës

Aerodromi i Gjirokastrës është rijetëzuar pas 30 vitesh. Spektakli i parë u dhurua nga 4 aeroplanë sportivë nga Maqedonia e Veriut dhe 2 të tjerë nga...

Ndarja e detit/ Ministri i Jashtëm Nikos Dendias tregon detaje mbi paktin e ri Shqipëri-Greqi

Ministri i Jashtëm i Greqisë, Nikos Denidas, ka shpalosur detaje të reja për mediat greke për çështjen detare me Shqipërinë. Ai theksoi se Shqipëria dhe...

Lajme të tjera

Web TV