Filipi i Maqedonisë mund grekët dhe mbizotëron në More dhe Egje

113 563 lexime

106,048FansaPëlqeje

Më 2 gusht 338 pes – një ushtri e Maqedonisë e kryesuar nga Filip II mundi forcat e bashkuara të Athinës dhe Tebës, në Chaeronea, Boeoti, duke siguruar mbizotërimin maqedon në More dhe Egje.

Filip II lindur më 382 pes, ishte mbret i Maqedonisë nga viti 359 pes deri kur u vra më 336 pes. Filip ishte kalorës i mirë – emri i tij do të thotë “filo” admirues dhe “hipos” – hipur, mbi kalë). Ai ishte babai i Aleksandrit të Madh, megjithëse e shoqja e tij, Olimpia, e cila besonte në kulte e bestytni, thoshte se ishte mbarsur në ëndërr nga një gjarpër (perëndi krijuese sipas mitit Ilir). Filipi ishte trim e finok – atij i atribuohet edhe fraza e njohur “divide et impera” – “përça dhe sundo”. Kur ishte fëmijë, Filipi u mor peng në Tebë, qytet-shtet, në atë kohë fuqi ushtarake mbizotëruese në rajon. Në Tebë, Filipi mori edukim ushtarak dhe diplomatik, aftësi që i përdori më pas për të ri-fituar fronin maqedon. Gjatë periudhës si mbret, për hir të aleancave apo politikës dinake, Filipi pati 7 gra ose u martua 7 herë. Sipas historianit Athenaeus, gruaja e parë e Filipit ishte Audata, bija e mbretit ilir Bardhyll i Dardanisë. Historianë thonë se gratë ilire shquheshin si luftëtare dhe udhëheqëse në luftë, aftësi që Audata ia kaloi vajzës së saj, Cynane (Synanë), duke e stërvitur si kalorëse për luftë e gjueti. Edhe Cynane bëri të njëjtën gjë me vajzën e saj Euridice. Mes grave të tjera të mbretit Filip ishte edhe Olimpia, nëna e Aleksandrit të Madh. Olimpia ishte vajza e Neoptolemit (Ptolem, Pirro), mbret i Mollosëve të Epirit. Familja e saj i përkiste fisit Aeacidaes të Epirit, që thoshte se e kishte prejardhjen nga Neoptolemi, biri i Akilit legjendar. Sipas Plutarkut, emri i saj ishte fillimisht Polyksena; pastaj e ndryshoi në Myrtale kur ishte vajzë e re para martesës me Filipin; Olimpia ishte emri i tretë që ajo e mori kur i thanë se burri i saj, Filip, kishte dalë fitues në Lojrat Olimpike më 356, lajm që përkoi me lindjen e Aleksandrit. Emri i saj i fundit ishte Stratonicë, që shihet më tepër si epitet që iu dha pas fitores për çështje trashëgimie ndaj Euridices. Olimpia dhe Filipi, patën edhe një vajzë, Kleopatrën – kështu, nuk është rastësi që emrat mollosë Ptolem a Neoptolem e Kleopatra ndeshen brez pas brezi deri në fund të dinastisë së Ptolomeut në Egjipt.


Të fundit

Filipi i Maqedonisë mund grekët dhe mbizotëron në More dhe Egje

Më 2 gusht 338 pes – një ushtri e Maqedonisë e kryesuar nga Filip II mundi forcat e bashkuara...

Filippa Lentzos: “Kapaciteti për të zhvilluar armë biologjike do të rritet pas pandemisë”

Filippa Lentzos (Bergen, Norvegji, 1977) është eksperte mbi kërcënimet biologjike nga King's College London dhe Instituti Ndërkombëtar i Kërkimit të Paqes në Stokholm dhe...

E rëndë/ Shpërthimi në Velipojë, pas dy vajzave humb jetën edhe nëna

Thellohet tragjedia nga shpërthimi i bombulës së gazit në Velipojë, pasi mësohet se ditën e sotem ka ndërruar jetë nëna e familjes Alketa Gjoka. Më...

Ushtrime të thjeshta dhe efektive për ta mbajtur mendjen të re dhe për të luftuar Alzheimerin

E para nga këto është një zakon shumë i famshëm në Itali. Bëhet fjalë për trajnimin e mendjes falë enigmave ose sudokut: një seri...

Tmerrohen qytetarët e Elbasanit, gjejnë një granatë në mes të rrugës

Panik për banorët e lagjes “Brigada 17 Sulmuese” në Elbasan, pasi disa qytetarë kanë gjetur në mes të rrugës një granatë dore. Policia ka shkuar...

Lajme të tjera

Web TV