Tetë persona janë arrestuar gjatë orëve të fundit në kryeqytet për vepra të ndryshme penale. Një 28-vjeçar me iniciale V.B u vendos në pranga pasi ka dhunuar fizikisht dhe psikologjikisht bashkëshorten e tij.
Në anën tjetër është arrestuar një 37-vjeçar me iniciale Gj.D. pasi ka vjedhur biçikletën e një personi tjetër për të cilën Gjykata e Tiranës e kishte dënuar me 6 muaj burg.
4 persona u arrestuan pasi u kapën duke drejtuar makinat e tyre në gjendje të dehur ndërsa dy të tjerë u arrestuan për vjedhje.
Njoftimi i policisë:
Vihen në pranga 8 shtetas, për vepra të ndryshme penale. Specialistët për Hetimin e Krimit në Komisariatin e Policisë Nr.1 bënë arrestimin në flagrancë të shtetasit Gj. D., 37 vjeç, pasi ka vjedhur biçikletën e shtetasit S. Ç. Gjithashtu, Gjykata e Shkallës së Parë Tiranë e ka dënuar këtë shtetas me 6 muaj burg, për veprën penale “Vjedhja”.
Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i shtetasit G. Xh., 42 vjeç, i dënuar më parë për veprën penale “Vjedhja”, pasi u kap nga shërbimet e Forcës së Posaçme “Shqiponjat” me një shumë parash, të cilat dyshohet se i ka vjedhur në dritaren e banesës së shtetasit F. K.
Specialistët për Hetimin e Krimit në Komisariatin e Policisë Nr.3 bënë arrestimin në flagrancë të shtetasit B. N., 40 vjeç, pasi mbrëmjen e djeshme në bashkëpunim me një shtetas tjetër(ende të paidentifikuar) i kanë vjedhur portofolin me forcë shtetasit S.S.
Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasit V. B., 28 vjeç, pasi ka ushtruar dhunë fizike dhe psikologjike ndaj bashkëshortes së tij. Nga specialistët e Qarkullimit Rrugor u bë arrestimi në flagrancë i shtetasve:
Gj. N., 49 vjeç, A. A., 26 vjeç, B. D., 50 vjeç dhe F. V., 50 vjeç, pasi u kapën duke drejtuar mjetet përkatëse në gjendje të dehur. Materialet i kaluan Prokurorisë së Rrethit Gjyqësor Tiranë, për veprime të mëtejshme.
